Direktorlar Şurası

Adıgözəl Ağayev - Direktorlar Şurasının Sədri

1978-1983-cü illərdə D.Bunyat-zadə adına Azərbaycan Xalq Təsərrüfatı İnstitutunun Ümumiqtisad fakültəsində təhsil alaraq iqtisadçı mühəndis ixtisasına yiyələnmişdir. 

1983-ci ildə Azərbaycan Respublikası Maliyyə Nazirliyinin Hesablaşma mərkəzində iqtisadçı vəzifəsinə, 1987-ci ilin dekabr ayından isə qrup rəhbəri vəzifəsinə təyin olunmuşdur.

1989 - ilin iyun ayından Respublika Aqrar Sənaye Bankında aparıcı, 1992-ci ildən baş iqtisadçı vəzifəsində işləmişdir.

Milli Bankın dəvəti 1993-cü ilin aprel ayından 2004-cü ilin sonunadək bank sektorunda əmək fəaliyyətini davam etdirmiş, Mərkəzi Bankda baş müfəttiş, şöbə rəisi və direktor müavini vəzifələrində calışmışdır.

2004-cü ilin oktyabr ayından Milli Bankda yeni yaradmış Beynəlxalq Maliyyə Hesabatları Standartlarının tətbiqi qrupuna rəhbərlik etmişdir. Respublikada fəaliyyət gostərən bankların beynəlxalq hesabatlıq sisteminə keçirilməsi prosesində USAİD-in Bank nəzarəti üzrə ekspertlər qrupu ilə əməkdaşlıq etmişdir.

"AtaHolding" ASC-də əmək fəaliyyətinə 06 yanvar 2005-ci ildən Maliyyə departamentinin direktoru vəzifəsindən başlamış, 17 dekabr 2005-ci il tarixində İdarə Heyətinin sədr müavini və Audit Komitəsinin üzvü təyin olunmuşdur. 15 oktyabr 2012-ci il tarixindən “AtaHolding” ASC İdarə Heyətinin sədridir, eyni zamanda “AtaSığorta” ASC Direktorlar Şurasının sədridir. 

Ailəlidir, iki övladı var.

Rəşad Rəsullu - Direktorlar Şuraşının Üzvü

 

Rəşad Rəsullu 11 aprel 1980-ci ildə anadan olub. 2000-ci ildə Azərbaycan Dövlət İqtisad Universitetində beynəlxalq iqtisadi münasibətlər üzrə bakalavr dərəcəsi, 2002-ci ildə isə magistr dərəcəsi alıb. Əmək fəaliyyətinə Azərbaycan Respublikası Milli Bankında başlayıb və 2002-2004-cü illərdə İctimaiyyətlə əlaqələr şöbəsinin baş mütəxəssisi olub. 2004-cü ildən etibarən “AtaHolding” ASC-də İnsan Resursları və İctimaiyyətlə Əlaqələr Departamentinin mütəxəssisi kimi çalışmağa başlayan Rəşad Rəsullu, daha sonra Katiblik Departamentinin direktoru təyin edilib. 2006-cı ildə Müşahidə Şurası sədrinin müşaviri təyin edilib və 2012-ci ilin oktyabrına qədər bu vəzifədə çalışıb.

2012-ci ilin oktyabrından etibarən “AtaHolding” ASC İdarə Heyəti sədrinin müavini təyin edilib. O, “AtaHolding” Şirkətlər Qrupu üzrə marketinq, kommunikasiyalar, insan resursları, keyfiyyət və korporativ idarəetmə sahələrinə rəhbərlik edir. Rəşad Rəsullu həmçinin, “AtaHolding” Şirkətlər Qrupuna daxil olan “AtaSığorta” ASC-nin Direktorlar Şurasının, “Bank VTB Azərbaycan” ASC-nin Müşahidə Şurasının üzvüdür.

Rəşad Rəsullu eyni zamanda, 2007-2012-ci illərdə Azərbaycan Türkiyə İş Adamları Birliyinin (ATİB) baş katibi olub. Hazırda o, ATİB-in İdarə Heyəti sədrinin müavinidir.

 

Yüklənir, zəhmət olmasa gözləyin