İdarə Heyəti

 

Orxan Məmmədov - İdarə Heyətinin Sədri

 

Orxan Məmmədov Böyük Britaniyanın London İqtisadiyyat və Siyasi Elmlər Məktəbindən (LSE) İdarəetmə üzrə Magistr (Masters in Management) dərəcəsini 2015-ci ildə almışdır. O daha əvvəl Azərbaycan Dövlət İqtisad Universitetində Beynəlxalq İqtisadi Münasibətlər ixtisası üzrə Bakalavr və Magistr dərəcələrini qazanmışdır.Orxan Məmmədov 2006-cı ildən sığorta sektorunda fəaliyyət göstərir. “Qorqud Sığorta” şirkətində mütəxəssis kimi fəalliyyətinə başlamışdır. Daha sonra Paşa Sığorta şirkətində Fərdi Sığorta Şöbəsi və Sığorta Əməliyyatları Departamentinə rəhbərlik etmişdir. 2011-ci ildə Paşa Sığorta şirkətində İdarə Heyətinin üzvü təyin olnumuşdur. 2012-ci ildən etibarən “AtaSığorta” ASC-də İdarə Heyətinin sədr müavini vəzifəsində çalışır. Orxan Məmmədov 2009-cu ildən Böyük Britaniyanın Chartered Insurance Institute üzvü və CertCII dərəcəsinin sahibidir. Mərkəzi Avrasiya Liderlik Alliansının (CELA) 2011-ci il məzunu və aktiv üzvüdür. Ölkə xaricində və daxilində liderlik, effektiv idarəetmə, layihələrin idarə olunması, danışıqlar, strateji marketinq və digər çoxsaylı təlimlərdə iştirak etmişdir.  Orxan Məmmədov - 2017-ci ilin sentyabr ayından “AtaSığorta” ASC-nin İdarə Heyəti sədrinin birinci müavini vəzifəsinə təyin edilmişdir. 2019-cu ilin may ayından “AtaSığorta” ASC-nin İdarə Heyətinin sədri vəzifəsinə təyin olunmuşdur.

 

Xətai İsmayılov - İdarə Heyəti sədrinin müavini

 

Xətai İsmayılov 2006-cı ildə Bakı Dövlət Universitetinin Hüquq fakultəsini bitirmişdir. Əmək fəaliyyətinə 2008-ci ildə prokurorluq orqanlarında müstəntiq kimi başlamışdır. 2010-cu ilin oktyabr ayınadək prokurorluq orqanlarında çalışmışdır. 5 yanvar 2011-ci il tarixdən “AtaSığorta” ASC-də fəaliyyətə başlamışdır, 2017-ci ildə Hüquq departamentinin direktoru vəzifəsinə təyin olunmuşdur. 2021-ci ilin may ayında “AtaSığorta” ASC-nin İdarə Heyəti sədrinin müavini vəzifəsinə təyin edilmişdir.